Është kënaqësi e veçantë të ndajmë këtë lajm të mrekullueshëm. Qendrës tonë iu është shtuar Hafëzja e parë e Kur’anit Famëlartë.
Jusra Shabani, njëmbëdhjetë vjeqare, vajza e Kryetarit të QIKSHN’së, zotri Fatmir Shabanit dhe mësueses së nderuar zonjës Ermize Shabanit, e kurorëzoi një punë të veçantë, duke zënë Kur’anin të tërin përmendësh, ku gjeti vazhdimisht kujdesin, përkushtimin dhe përkrahjen e plotë të prindërve.
Jusra është një nxënëse e dalluar, si me sjelljen e saj, gjithashtu edhe me sukseset e larta të arritura në shkollën e mësim besimit këtu në QIKSHN, por edhe në mësimet e saj në shkollën norvegjeze.
E lusim Allahun Fuqiplotë që Jusrës t’i jap suksese të vazhdueshme, dhe të bëhet inspirim edhe për fëmijët e tjerë. Allahume Amin.
